Jon Rahmek munduko sailkapenaren laugarren postuan bukatuko du urtea

Jon Rahmek, behin 2017ko azken txapelketa ofiziala bukatuta, munduko golf sailkapenaren laugarren postuan bukatuko du urtea, Dustin Johnson, Jordan Spieth eta Justin Thomas estatubatuarren atzetik.

Asiako Boonchu Ruangkit txapelketak aldaketa bakarra utzi du lehenengo 34etan: Sergio Garciak hamaigarren postutik hamargarrenera egin du gora.

2017an, Rahmek San Diegon, Irlandan eta Dubain irabazi du. 69,64ko batezbestekoa izan du Amerikako zirkuituan, eta 70,07koa Europakoan.

Bi zirkuituen arteko batezbestekoari dagokionez, lau jokalari baino ez daude 70tik behera: Sergio Garcia (69,61), Jon Rahm (69,85), Justin Rose (69,87) eta Rory McIlroy (69,91).

MUNDUKO SAILKAPENA

1. Dustin Johnson, 10,4090 puntu batez beste
2. Jordan Spieth,  9,2079
3. Justin Thomas,  8,3606
4. Jon Rahm, 8,0543
5. Hideki Matsuyama, 7,9197
6. Justin Rose, 7,8379
7. Rickie Fowler,  6,7951
8. Brooks Koepka,  6,3286
9. Henrik Stenson, 5,9013
10. Sergio García,  5,6648