Telebistan bakarrik ez, June Ansoleaga, Arnaitz Fernandez, Xabi Casado eta Andoni Aizpuru lankideak sareetan ere ikus ditzakezu dagoeneko. Izan ere, 'Eguraldia' saioak Instagram kontua (@eguraldia_eitb) estreinatu berri du, eta laster TikTok-en ere izango da. Jarrai gaitzazu!

Andoni Aizpiruk azpimarratu duenez, "ekainean eta maiatzean bost ekaitz gogor izan ditugu Euskal Herrian". "Hemen ekaitza botatzea normala da udaberrian, baina bost izatea hilabete eta erdian ez da hain ohikoa", gaineratu du.

Ostiralean izandako euri-erauntsiak kalte nabarmenak utzi zituen Zaldibian. Unanubieta baserriko Iñakik kontatu duenez, uraren maila 2 metrora iritsi zen instant batean eta justuko denbora izan zuen familiak goiko solairura igo eta babesteko. Bizilekua, hori bai, txikituta geratu da.

Tolosaldean eta Goierrin bota du bart euri gehien, eta gaur airetik honela ikusten da ingurua: lokatza nonahi eta jendea garbiketa lanetan. Alegian, Iruran, Tolosan, Ibarran, Amezketan, Lazkaon eta beste hainbat herritan bizitakoa sinistu ezinik daude bizilagunak. (Astartech drones-en irudiak)

Ostiraleko ekaitz bortitzen arrazoi meteorologikoak izan ditu mintzagai Xabier Casado "Eguraldia" saioaren aurkezleak. Ohartarazi duenez, 16:00etatik aurrera abisu horia izango da indarrean Nafarroan eta Ipar Euskal Herrian txingorragatik eta euriagatik.

Alegian, 108 litro bota ditu metro koadroko, aurreikusitakoa baino askoz ere gehiago. 08:00etarako deitu dituzte herritarrak, uholdeak eragindako ondorioak auzolanean konpontzeko.

Euri-jasa bortitzak izan dira Gipuzkoako hainbat tokitan. Tolosaldean gogor bota du, baita Nafarroa iparraldean ere.