Zientzia eta Teknologia | EITB Teknopolis
Teknopolis
ETB1en eta ETB2n
EITB Media
Gainera, Ana Galarraga dibulgatzaileak 1918ko gripea eta koronabirusa izango ditu hizpide nagusi.
5G antenak. EITB Mediaren bideo batetik ateratako irudia
Informazio gehiago (2)
Aste honetako "Teknopolis" programan, haririk gabeko komunikazioen belaunaldi berriari buruzko xehetasunak ezagutuko dituzte. Euskal Herriko Unibertsitateko adituengana joko dute horretarako; izan ere, telematika ingeniaritzako ikerketa-taldeko kideak 5G teknologiak zabalduko dituen aukera berriak aztertzen ari dira.
Gero, kalera aterata, antenen berri ere jasoko dute. Hego Euskal Herrian 5G sarea zabaltzen ari den lehen enpresetako bat Guuk da. Hirietatik hasi dira, 5G antenak erabiltzaile gehien bil daitezkeen tokietan ezartzen. Antena adimendunak dira, gailu bakoitzari egokitzen zaizkio eta, momentuz, lehendik dauden antenetan soilik ari dira 5G antena horiek instalatzen.
Asteroko Koronabirusaren gakoak atalean, 1918ko gripea hartuko du ahotan Ana Galarraga Elhuyarreko dibulgatzaileak. Zertan dute antza, zertan dira desberdinak 1918ko gripea eta egungo pandemia?
"Teknopolis" saioa larunbatean izango da ikusgai, 13:30ean, ETB1en, eta igandean, 13:30ean, ETB2n. Bi emankizunak eitb.eus bidez jarraitzeko aukera ere izango da.
EiTB TALDEA
EITB Media
900 11 2525 doako telefonoan eta eitb.eus/arreta orrian jasotzen diren kontsulta, kexa eta iradokizunak sistema bateratu berri baten bidez kudeatuko dira.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa