Deniflek irabazi du Los Machucosen, eta Nibalik tartea jan dio Froomeri

Stefan Deniflek (Aque Blue Sport) irabazi du Espainiako Vueltaren 17. etapa, Villadiego eta Los Machucos artean, 180,5 kilometroren ostean. Austriarra eguneko ihesaldian zan da, eta Alberto Contadorrek (Trek) atzetik piztutako suari eutsi dio.

Madrildarra etapako garaipena lortzen saiatu da, baina azkenean bigarren postuan helmugaratu da, minutu erdira. Sailkapen orokorrean denbora irabazi du, podiumean sartzeko borrokan.

Chris Froomek azken igoera gorreko aldapetan sufritu egin du, eta Vincenzo Nibalik (Bahrain-Merida) tartea jan dio. Los Machucoseko igoerak (7,2 kilometro %8,7ko batezbestekoan) %26ko aldapak ere izan ditu. Britainiarraren aurkariek denbora irabazi dute.

Irekiago dago garaipenerako borroka. Nibali 1' 16''-ra dago. Wilco Kelderman (Sunweb) eta Ilnur Zakarin (Katiuxa) Skyko liderra baino lehen helmugaratu dira.

17. ETAPAKO SAILKAPENAK