Marczynski garaile, Fraile bigarren, eta Froome lider, birritan erori arren

Tomasz Marczynski poloniarra gailendu da Espainiako Itzuliko 12. etapan, Motril eta Antequera arteko 160,1 kilometroko ibilbidea egin ostean. Chris Froomek lider jarraitzen du, bi eroriko izan dituen arren.

33 urteko Marczynskirentzat bigarren garaipena izan da aurtengo Vueltan. 3 ordu, 56 minutu eta 45 segundoko denbora egin du. Ondoren, Omar Fraile sartu da, 52 segundora, Jose Joaquin Rojasekin batera.

Sailkapen nagusian, Froomek lider jarraitzen du, Nibali bigarren da 59 segundora eta Esteban Chaves jkolonbiarra hirugarren 2:16ra. Contador bederatzigarren da, hiru minutu eta 13 segundora.

Ostiralean 13. etapa jokatuko dute, 198,4 kilometrokoa, Coín eta Tomares artean.