Valerio Conti gailendu da Urdazubi-Dantxarinean amaitutako etapan

Valerio Conti (Lampre) gailendu da Espainiako Itzuliko 13. etapan, aurtengo edizioko luzeena. Guztira, 213,4 kilometro egin dituzte Bilbo eta Urdazubi-Dantxarinea artean.

Italiarra bera bakarrik heldu da helmugara 5 ordu 29 minutu eta 4 segundoko denbora eginda. Danilo Wyss suitzarra bigarren izan da, eta Sergey Lagutin errusiarra, hirugarren.

Faboritoen talde nagusia 34 minutu geroago sartu da.

Nairo Quintanak lider jarraitzen du, etapa nagusiaren atarian. 14. etapa Aubisque ezagunean amaituko da. Kolonbiarrak 54 segundoko aldea du Chris Froomekin eta minutu eta bost segundokoa Alejandro Valverderekin.

Así afrontó la llegada el del @lampre_merida @valerioconti93 . Here we have the winner in the finish line. #LV2016 pic.twitter.com/pGwHHcu9Ki

— Vuelta a España (@lavuelta) 2 de septiembre de 2016