Kittelek irabazi du etapa Coquard milimetro bategatik gainditu ostean

Marcel Kittel (Etixx) alemaniarrak irabazi du Frantziako Tourreko laugarren etapa eta Peter Saganek (Tinkoff) jarraitzen du sailkapen nagusiko lehen postuan. Eslovakiarrak liderraren elastiko horia mantentzea lortu du etapa hirugarren postuan bukatuta.

Kittelek esprint estua izan du Bryan Coquardekin. Garailea photo-finisharen irudiaren laguntzarekin erabaki behar izan da, eta irdudiak argitu du Marcel Kittel izan dela nagusi, milimetro bategatik. Astelehenko etapan ere photo-finisharen irudiak argitu zuen Cavendishek irabazi zuela. Tourrean lortzen duen bederatzigarren garaipena da Kittelek eskuratutakoa.

Etapak euskal txirrindulari baten protagonismoa ere izan du. Markel Irizar (Trek-Segafredo) eguneko ihesaldian sartu da Gougeard, Schillinger eta Naesen txirrindulariekin batera, baina helmugarako 7 kilometro falta izan direnean harrapatu ditu tropleak.