Contador: 'Tour hau gogorragoa da, eta horregatik gustatu zait'

Tinkoff-Saxoko txirrindulari den Alberto Contadorrek adierazi duenez, 2015eko Frantziako Tourraren ibilbidea begi onez hartu du “aurreko urteetakoa baino gogorragoa” delako. Nahiz eta Italiako Girotik guztiz errekuperatzea gehiago kostatuko zaion, Tourra asko prestatuko duela baieztatu du madrildarrak.

“Forman heldu behar naiz hurrengo ediziora, hasiera oso gogorra da-eta”, adierazi du Contadorrek. Gainera, gustora egingo du Tourra asko gustatu baitzaio.

Contadorrek aurtengo Frantziako Tourra erorketa baten ondorioz utzi behar izan zuen, tibia apurtu zuelako, eta beraz, datorrenera guztiz prestatuta heldu beharko duela dio. Izan ere, erloju kontrako labur batekin emango zaio hasiera, eta bere hitzetan “desberdintasunak nabariak izango dira”.