2025eko Frantziako Tourraren 14. etaparen profila, ibilbidea eta ordutegia: Pau-Luchon-Superbagneres(182,6 km)

2025eko Frantziako Tourrak 14. etapa izango du larunbatean, uztailak 19, Paun hasi eta Luchon-Superbagneresen bukatuko den 182,6 kilometroko ibilbidearekin.

Beste behin ere, txirrindulariek mendiko etapa gogorra jokatuko dute, lau mendate are zorrotzagoekin: maila bereziko bi, lehen mailako bat eta bigarren mailako beste bat.

Hasierako kilometroetan pixkanaka Tourmaletera igoko dira, maila berezikoa, Tourreko klasikoa. 19 km-ko igoera izango dute, % 7,4ko maldarekin. Ondoren, askoz errazagoak izango ez diren beste bi mendate izango dituzte aurrean: 2. mailako Aspin (5 km, % 7,6) eta 1. mailako Peyresourde (7,1 km, % 7,8).

Eta oraindik indarrekin jarraitzen badute, Superbagneresen igoera zorrotza (12,4 km, % 7,5), kategoria berezikoa hori ere, izango da faboritoen arteko azken borrokaren eszenatokia.

EITBn ikusiko dugu, zuzenean; eitb.eus-en, emanaldia 13:30ean hasiko da, eta ETB1en, ordea, egunero bezala, 15:00etan.

ETAPAKO PROFILA

2025eko Frantziako Tourraren 14. etapako profila. Irudia: A.S.O.

TOURMALET

Tourmalet igoera. Irudia: A.S.O.

SUPERBAGNERES

Superbagneresko igoera. Irudia: A.S.O.