Wout van Aertek lepauztai bat eta saihets-hezur batzuk ditu hautsita, Flandrian Zehar proban erorikoa izanda

Wout van Aert Visma Lease a Bike taldeko txirrindulari belgikarrak eskuineko lepauztaia eta saihets-hezur batzuk ditu hautsita, asteazkenean Flandrian Zehar lasterketan izandako erorikoaren ondorioz, bere taldeak baieztatu duenez. Hala, Van Aertek, Vismak zehaztuta, ezingo du Flandriako Itzulia jokatu, igandean, ezta apirilaren 7ko Paris-Roubaix lasterketa eta apirilaren 14ko Amstel Gold Race proba ere.

Belgikarrak Flandrian Zehar lasterketan izan du erorikoa, helmugarako 67 kilometro gelditzen zirela (Matteo Jorgenson taldekideak irabazi du lasterketa); puntu horretan, Van Aert errepidean zegoen erreten baten gainetik igaro da, bizikletak dar-dar egin du, segituan jauzi da, eta hainbat txirrindulari erori dira.

"Ospitalean, diagnostikatu diote lepauztai bat eta saihets-hezur batzuk dituela hautsita. Ez dago argi nolako denbora beharko duen sendatzeko. Segurua da ezingo dela aritu Flandriako Itzulian, Paris-Roubaix lasterketan eta Amstel Gold Race lasterketan", adierazi du Vismak, X sare sozialean zabaldutako mezu baten bidez.

Update Wout van Aert:

Unfortunately, Wout van Aert suffered several fractures in the crash at Dwars door Vlaanderen today.

A broken collarbone and several broken ribs were diagnosed in hospital. It is unclear how long his recovery will take. He will definitely miss the Tour…

— Team Visma | Lease a Bike (@vismaleaseabike) March 27, 2024