Evenepoelek bereganatu du Algarveko Itzulia

Remco Evenepoelek (Soudal-Quick Step) irabazi du Algarveko Itzulia, bosgarren eta azkeneko etapan Daniel Felipe Martinez (BORA-hansgrohe) nagusitu bada ere. Hain justu ere, iaz, txirrindulari kolonbiarrak bereganatu zuen Portugalgo lasterketa, baina, aurtengo edizioan bigarren tokiarekin konformatu behar izan da.  

Etapako azken 500 metroetan txirrindulari talde txiki batek aurrera egin du, eta helmugan azkarrena Martinez izan da, Evenepoelen aurretik sartuta.

Horrenbestez, Algarve Itzulia belgikarrak eskuratu du, podiumean Martinez eta Jan Tratnik (Team Visma-Lease a Bike) izan ditu ondoan.

ETAPA:

1. MARTINEZ Daniel Felipe (BORA - hansgrohe) 3:55:35

2. EVENEPOEL Remco (Soudal - Quick Step) d.b.

3. PIDCOCK Thomas (INEOS) 0:03

4. SCARONI Christian (Astana) 0:07

5. TRATNIK Jan (Team Visma) d.b.

SAILKAPEN NAGUSIA:

1. EVENEPOEL Remco (Soudal - Quick Step) 18:45:42

2. MARTÍNEZ Daniel Felipe (BORA - hansgrohe) 0:43

3. TRATNIK Jan (Team Visma) 1:25

4. HEALY Ben (EF Education) 1:42

5. ARENSMAN Thymen (INEOS) 1:45