Tadej Pogacarrek hirugarren garaipena lortu du Il Lombardian

Tadej Pogacar esloveniarrak (UAE) irabazi du Il Lombardia lasterketaren 107. edizioa, urteko azken "monumentua", Como eta Bergamo artean egin den 238 kilometroko ibilbidean.

Pogacarrek (Komenda, 25 urte) besoak altxatu ditu hirugarren urtez jarraian Il Lombardian, eta bosgarrenez "monumentu" batean. Lehena iritsi da helmugara, 5h.55.33ko denborarekin, batez beste 40,1 km/h-ko abiaduran.

Gainerako faboritoek ezin izan dute ezer egin. Bagioli italiarra buru zuen taldea, Roglic, Vlasov, Richard Carapaz, Adam eta Simon Yates anaiak eta Carlos Rodriguez granadarra 52 segundora helmugaratu dira.

Bestalde, Mikel Landak erorikoa izan du helmugarako 63,7 kilometro falta zirenean. Min keinuak eginez, txirrindulari arabarra bizikletara igo da, baina azkenean ezin izan du lasterketa bukatu.

Sailkapena

1 - POGACAR Tadej (UAE) 5:55:33

2 - BAGIOLI Andrea (Soudal) +0:51

3 - ROGLIC Primož (Jumbo) d.b.

4 - VLASOV Aleksandr (BORA) d.b.

5 - YATES Simon (Jayco) d.b.

6 - YATES Adam (UAE) d.b.

7 - RODRÍGUEZ Carlos (INEOS) d.b.

8 - CARAPAZ Richard (EF Education) +1:05

9 - EVENEPOEL Remco (Soudal) +1:25

10 - KRON Andreas (Lotto) d.b.