Oscar Rodriguez nafarra Movistar taldean arituko da

Oscar Rodriguez Movistar taldean arituko da 2022 denboraldian, eta, horrenbestez, UCI World Tourreko taldearen lehen fitxaketa izango da. Nafarrak Astana taldea utzi, eta bi urteko kontratua sinatu du Eusebio Unzueren taldearekin.

Euskadi Murias taldeko txirrindulari ohiak etapa garaipena eskuratu zuen 2018an, Espainiako Itzuliaren La Camperona mendatean. 2019an Burgosko Itzulian lortutako bigarren postuak Astana taldearekin aritzeko aukera zabaldu zion. Kazakhstango taldearekin, bigarren postua lortu du Mont Ventouxen eta hirugarrena Okzitanian.

"Oso pozik nago Movistarren aritzearekin. Gainera, etxeko taldea da eta historia luzea duen taldea... oso pozik nago", azaldu du Oscar Rodriguez nafarrak.

¿¿ Contentísimo de poder anunciaros que las dos próximas temporadas formaré parte del equipo WorldTour de casa, el @movistar_team ¿

Gracias @astanapremiertech por estos dos años, en los que he podido seguir creciendo como ciclista. #RodamosJuntos https://t.co/5GdmoOjiBN

— Oscar Rodriguez (@O_RodGar) September 23, 2021