Marc Solerrekin aurkeztuko da Suitzan Movistar

Marc Soler izango da Movistar Team taldeko gizon indartsua 2021eko Suitzako Tourrean. Lasterketa hilaren 6an hasiko da Frauenfelden eta 13an bukatuko.

Ekainaren 26an hasiko den Frantziako Tourra prestatzeko balioko dio lasterketa Solerri eta Movistar taldeari berari. Txirrindulari katalanak Italiako Giroa utzi behar izan zuen eroriko baten ondorioz eta orain sailkapen nagusira begira egongo da postu on bat egiteko jomuga duela.

Movistar taldeko zazpikoa Marc Soler, Ivan García Cortina, Gonzalo Serrano, Sergio Samitier, Hector Carretero, Johan Jakobs eta Juan Diego Alba txirrindulariek osotuko dute.

Iazko edizioa pandemiagatik bertan behera geratu egin zen eta aurten bederatzi etapa izan beharrean zortzi izango ditu lasterketak, lehenengoa erlojupeko bat, Frauenfelden.