Alejandro Valverdek eraman du Miguel Indurain Sari Nagusia

2021eko Miguel Indurain Sari Nagusia jokatuko da gaur; 203 kilometro burutu dituzte txirrindulariek Lizarran hasi eta amaitu den jardunaldian eta Alejandro Valverdek irabazi du azken kilometroetan erakustaldia eginez.

Sanchez (APT), Swift (IGD), Hermans (ISN) eta Cepeda (CJR) izan dira protagonista nagusiak eguneko ihesaldian sartu direnean. Tropela buru-belarri jarri behar izan da lanean iheslariak harrapatzeko.

Helmugara 10 kilometroren faltan Valverdek eraso ikusgarria jo eta aurrera egin du Luis Leon Sanchezekin batera. Astana taldeko Alexey Lutsenkok ere oso indartsu atzetik atera eta bikotea harrapatu du. Halere, Murtziako gizonaren azken eraso batek eman dio garaipena Movistarreko gizonari.

Beste alde batetik, Movistar Team taldeko Enric Mas txirrindulariak erorikoa izan du jaitsiera batean eta lasterketa utzi behar izan du eta bere parte hartzea Euskal Herriko Itzulian zalantzan dago.

Gogoratu astelehenean Itzuliarekin dutela hitzordua ziklistek. Bilbon hasiko da lehen etapa erlojuaren kontrako saio labur batekin.

SAILKAPENA