Proventzako Tourreko etapak, profilak eta ibilbidea

Ostegunean Proventzako Tourra hasiko da Aubagnen eta, iaz bezala, Mont Ventouxeko igoera izango da gako nagusia garaipena eskuratzeko.

Nairo Quintanak bertan irabazi zuen 2020an. Erakustaldi ona eman zuen eta, ondorioz, Proventzako Tourra bere egin zuen kolonbiarrak.

Parte hartuko duten taldeak honakoak izango dira: AG2R, Astana, Bahrain, Cofidis, Groupama, Ineos, Lotto, Movistar, Deceuninck, DSM, Qhubeka, Trek, eta UAE (World Tourreko taldeak); B&B Hotels, Arkea, Delko eta Total (proteam), eta St. Michel-Auber93 eta Xelliss, kontinental mailakoak.

ETB1en eta eitb.eus-en jarraitzeko aukera egongo da.

ETAPAK

1. etapa, otsailak 11, osteguna, Aubagne - Six-Fours-les-Plages, 179 km

2. etapa, otsailak 12, ostirala, Cassis - Manosque, 170 km

3. etapa, otsailak 13, larunbata, Istres - Chalet Reynard, 153 km

4. etapa, otsailak 14, igandea, Avignon - Salon-de-Provence, 163 km