Caleb Ewanek erakustaldia eman du esprintean, Tour Down Underren atarian

Caleb Ewan australiarra (Lotto Soudal) gailendu da, laugarrenez azken bost urteetan, Adelaidan jokatutako Schwalbe Classik lasterketan, Tour Down Under atarian. Ewan esprintean gailendu zaizkie Elia Viviani eta Simone Conssonni Cofidis taldeko italiarrei.

Lotto Soudalen dagoenetik bigarren denboraldia du Ewanek. Azken metroetan esprinta hasi du eta berehala hartu du metro batzuetako aldea, nahikoa Viviani atzean uzteko.

Laugarren postua beste esprinter batentzat izan da, Sam bennett irlandarrarentzat hain zuzen.

Amaierarako lau itzuliren faltan sortutako pilaketak jokoz kanpo utzi du Gabriel Cullaigh Movistar taldeko britainiarra, eta ezin izan du esprinta jokatu. Ibilbideak 51 kilometro izan ditu.

¿¿@CalebEwan of ¿¿@Lotto_Soudal wins ¿¿@SchwalbeAus Classic Criterium #tdu #tdu2020 #tourdownunder #SchwalbeClassic (¿@gcntweet) pic.twitter.com/jXETAY3JlE

— World Cycling Stats (@wcsbike) January 19, 2020