Richard Carapaz Burgosko Itzulian ere izango da

Richard Carapaz ekuadortarra, azken Italiako Giroaren irabazlea, Burgosko Itzulian izango da Movistar taldearekin. Lasterketa abuztuaren 13tik eta 17ra bitartean lehiatuko da, iturri ofizialak dioten arabera.

Gainera, Carapazek 74. Getxoko Zirkuitua-Otxoa Anaiak Memorialean ere parte hartuko du, uztailaren 31n. Horrenbestez, Espainiako Itzulia prestatzeko bi data egin ditu ofizial.

Honako hauek izango dira Burgosko Itzuliaren etapak guztiak:

1. Etapa; abuztuak 13, asteartea: Burgos (katedrala) – Burgos (gazteluaren behatokia), 162 km.

2. Etapa; abuztuak 14, asteazkena: Gumiel de Izan – Lerma, 155 km.

3. Etapa; abuztuak 15, osteguna: Sargentes de la Lora (Geoparkea) – Picon Blanco, 150 km.

4. Etapa; abuztuak 16, ostirala: Atapuerca (Aztarnategia) – Clunia (erromatar antzokia), 174 km.

5. Etapa; abuztuak 17, larunbata: Santo Domingo de Silos - Neilako Aintzirak, 146 km.