Kwiatkowski, lehenengo liderra Dauphinen

Michal Kwiatkowski (Sky) Dauphine Criteriumeko atarikoa irabazi du, eta Alpeetako lasterketaren lehen liderra da. Poloniarra onena izan da banakako erlojupekoan, Valencen (6,6 kilometro). Jos van Emdem (Lotto-Jumbo) izan da bigarrena, segundu bakarrera.

Poloniako txapeldunak 7 minutu eta 25 segundoko denbora egin du.

Faboritoetako bat, Geraint Thomas taldekidea, ibilbidearen erdian erori da. Skyko txirrindulariak 20 segundo galdu du.

Kwiatkowskik ez zuen Valencen irabaztea espero. "40 egun korritu gabe egon ostean, ustekabe txiki bat izan da. Hala ere, gogor entrenatzen egon naiz, hemen sasoi onean egoteko eta Frantziako Tourra prestatzeko. Edozein kasutan, garaipenean ez baduzu pentsatzen, irteeratik, zaila da gero ondo egitea", esan du.

Jonathan Castroviejo (Movistar) zortigarrena izan da, 7' 34''-ko denborarekin.

Beste faboritoei dagokienez, onena Julian Alaphilippe (Quick Step-Floors) izan da, 14 segundora. Gero datoz, Marc Soler (Movistar), 20''-ra, Pello Bilbao (Astana), Thomasen alde berarekin, 21''-ra, Romain Bardet (Ag2r La Mondiale), a 48''-ra, eta Vincenzo Nibali (Bahrain-Merida), 24''-ra.

ATARIKOAREN SALKAPENAK