Qatarreko Itzulia, bertan behera finantziazio faltagatik

2017ko Qatarreko Itzulia bertan behera utzi dute finantziazio faltagatik, Nazioarteko Txirrindularitza Federazioak iragarri duenez. Datorren denboraldian, beraz, ez dira ginonezkoen eta emakumezkoen lasterketak egingo.

Asiako lasterketa lehenengo aldiz UCI World Tourraren parte izan behar zen, otsailean. Qatarrek, hain zuzen, 2016ko Munduko Txapelketak antolatu zituen.

"Qatarrek Itzuliaren bi probak bertan behera geratuko direla iragarri diote Nazioarteko Txirrindularitza Federazioari, finantziazioa lortzeko zailtasunagatik", esan du erakundeak.

Txirrindularitzaren Ekialde Hurbilean zeharreko hedapenaren ikurra bilakatu da Qatarreko Itzulia. Gizonezkoen Qatarreko Itzulia 2002an sortu zuten, eta ASOk antolatzen du egun. Frantziako Tourra antolatzen du enpresa horrek, besteren artean.