Jon Izagirre, zortzigarren etapako irabazlea

Jon Izagirre (Movistar Team) izan da Suitzako Itzuliaren 8. etapako irabazlea. Davosen hasi eta amaitu den erlojupekoak 16,8 kilometroko ibilbidea izan du, eta euskal txirrindularia nagusitu da. Migel Angel Lopez bigarren izan da, eta liderraren elastikoa jantzi du.

Izagirrek erlojupeko bikaina egin du Cancellara bera ere gainditzea lortuta. Lopezek ezustekoa eman du erlojupekoan bigrren izanda, eta sailkapen nagusiko liderra da.

Suitzako Itzulia amaitzeko etapa bakarra falta da, eta Miguel Angel Lopezek 6 segundoko abantaila du bigarren sailkatua den Talanskyrekiko, 16 segundo ateratzen dizkio hirugarren postuan den Jon Izagirreri eta 18 segundoko abantaila du laugarren postuan den Barguilekiko.