Kristoffen bigarren garaipena; Cavendish, berriro lider

Alexander Kristoff (Katusha) norvegiarra bigarren aldiz gailendu da Qatarreko Tourrean, laugarren etapan garaipena lortu ostean. Txirrindulariek 189 kilometro egin dituzte Al Zubarah Fort eta Madinat Al Shamal artean. Mark Cavendish britainiarrak (Dimension Data) liderraren maillota berreskuratu du.

Boasson Hagen (Dimension) lehengo liderrak gurpila zulatu du helmugarako 8 kilometrora, eta garaipena eskura jarri dio Kristoff Herrikideari. Bigarren BMC taldeko Grag Van Avermaet izan da.

Boasson Hagenek bizikleta aldtu du taldekide batekin, eta bere arazoak ez dio Cavendish taldekideari aurreko taldean sartzea galarazi. Ondorioz, liderraren jertseak talde berean jarraituko du (Dimension Data), baina beste txirrindulari batek eramango du soinean; Cavendishek, alegia.

Ostiral honetan bosgarren eta azken etapa lehiatuko dute, Sealine Beach Resort eta Doha Corniche artean; guztira, 114 kilometro.