Madariagak Euskadi taldea aurkeztu du

Miguel Madariagak (Euskadi Txirrindularitza Iraskundearen presidenteak), Iñaki Zaratek (Euskadi Txirrindularitza Iraskundearen presidenteordea) eta Dorleta Zorrillak (Euskadi Txirrindularitza Iraskundearen gai orokorren arduraduna) lagunduta, Euskadi Txirrindularitza Iraskundearen proiektu berria aurkeztu du gaur prentsaurrekoan.

Proiektuaren barruan, 2014rako talde kontinental berria dago. "Kontua ez da soilik talde kontinentalari buruzko informazioa ematea; izan ere, proiektu berriaren parte bat baino ez da. Are bereziagoa da. Ziklo baten amaiera da; Euskadi Txirrindularitza Iraskundearen 20 urteko lanaren amaiera, mundu mailako txirrindularitzaren mailarik gorenera iritsi ondoren. Urtarriletik aurrera, Euskadi Txirrindularitza Iraskundeak proiektu desberdina estreinatuko du, aurrekoaren gauzarik onenak hartuz eta ahalik eta gehiena aldatuz, modernoagoa izan dadin eta eguneratuago egon dadin txirrindularitzaren barruan", nabarmendu du Madariagak.

Euskadi Fundazioko presidenteak bere taldeak izango dituen zazpi euskal txirrindularien izenak eman ditu jakitera. Hori bai, hamar izatera heldu daitezke, aurrekontuak gora egiten badu.

Carlos Barbero, Jon Larrinaga, Haritz Orbe, Mikel Aristi eta Illart Zuazubiskar txirrindulariek taldean jarraituko dute, eta aurten heldu diren Victor Etxeberria (Naturgas, amateurra) eta Beñat Txoperena (Eki Sport-Gipuzkoa, amateurra).

Aritz Arbera prestatzailea eta bigarren kirol-zuzendaria izango da aurten ere.

pic.twitter.com/uovEiJ5lFv

— FundaCiclistaEuskadi (@FundaCiclisEusk) diciembre 4, 2013