Euskaltel taldeak lan-erregulazio plana aurkeztu du

Euskalteleko zazpi txirrindularik eta zenbait laguntzailek idatzi bat jaso dute taldeak lan-erregulazio plana martxan jarriko duela adierazteko. Lan-erregulazio plana taldearen desagertze prozesuaren parte da. Euskaltelek urte bukaeran esango du agur, behin betiko.

Euskaltelek hartutako erabakiaren ondorioz, txirrindulariek eta laguntzaileek ez dute kontratuan adostutako dirua kobratuko.

Kaltetutako zazpi txirrindulariak ondorengo hauek dira: Samuel Sanchez, Igor Anton, Rubén Pérez, Egoi Martinez, Gorka Verdugo, Jon Aberasturi eta Miguel Minguez.

Aipatutako txirrindulariek ez dute oraindik beste talderik aurkitu, eta, horrela jarraituz gero, lehiatzeko aukerarik gabe geratzeaz gain, kontratuetan aurreikusitako dirua eskuratu gabe geratuko dira.