Ane Santestebanek erorikoa izan du Espainiako Txapelketako lasterketan

Ane Santesteban (Laboral Kutxa) txirrindulari gipuzkoarra lasterketaren buruan zihoanean erori da, Granadan lehiatu den Espainiako Txapelketako errepideko proban.

Helmugarako 15 kilometroren faltan, Laboral Kutxako txirrindularia lurrera joan da, mendate baten jaitsieran, eta handik gutxira gainditu du faboritoen taldeak.

#CEGranada25 | 15 km a meta¿

¡Caída de Ane Santesteban!¿

La corredora del @LABORALkTeam se ha ido al suelo y ya sido sobrepasada por el grupo perseguidor. ¡Enorme carrera la que estaba cuajando Santesteban!¿ pic.twitter.com/dtzZYNjAmt

— Real Federación Española de Ciclismo (@RFECiclismo) June 29, 2025

Edonola ere, altxatu egin da, eta bizikleta gainean jarraitu du, indar erakustaldia eginda aurretik zituenak harrapatu arte. Azkenean, bosgarren postuan amaitu du proba, Sara Martin (urrea), Mavi Garcia (zilarra), Usoa Ostolaza (brontzea) eta Mireia Benitoren atzetik.