2021eko Giroa Turinen hasiko da, maiatzaren 8an, 9 kilometroko erlojupekoarekin

Italiako Giroko 104. edizioa Turinon hasiko da, maiatzaren 8an, eta hilaren 30ean amaitu.

Lehen egun horretan, erlojuaren kontra arituko dira txirrindulariak Turinen bertan, 9 kilometroko ibilbidean. Bigarren egunean, 173 kilometro egin beharko dituzte txirrindulariek, Stupigini eta Novara herrien artean, eta hirugarrena Biellen hasi eta Canalen amaituko da, 187 kilometro egin eta gero.

Hasierako hiru etapen berri eman dute antolatzaileek, eta hilaren 10ean egingo dute ibilbide osoaren aurkezpena.

Tao Geoghegan Hart (Ineos) txirrindulariak elastiko arrosa defendatuko du aurten.

2021eko Giroko lehen etapak

Maiatzaren 8an, 1. etapa, Turin-Turin, 9 km (erlojupekoa)

Maiatzaren 9an, 2. etapa, Stupinigi-Novara, 173 km

Maiatzaren 10ean, 3. etapa, Biella-Canale, 187 km