2020ko Giroa Sizilian hasiko da, lau etapekin

Italiako Giroko antolatzaileek 2020ko lasterketa Sizilian hasiko dela berretsi dute gaur. Beraz, Hungarian hasi beharrean Italiako irlan hasi eta eta bertan lehenengo lau etapak jokatuko dira.

Covid-19aren pandemiagatik atzeratu egin zen eta azkenean urriaren 3an hasiko da eta 25ean amaitu ibilbide berri batekin.

16 kilometro erlojuaren kontra Palermoko kaleetan zehar, horrela hasiko da aurtengo Giroko edizioa; ondorengo etapak ere Sizilian izango dira eta hirugarren jardunaldia Etnako Mendateko gainean amaituko da, 18 kilometroko igoera batez beste %6,8 aldapekin eta gogorrena %11koa helmugatik oso gertu.

Etapa hauek hasierako ibilbidean bazeuden, baina laugarren, bosgarren eta seigarren etapak ziren eta Hungariak alde batera egin zuenez antolatzaileek ibilbidea berregin dute. Datozen egunean RCS Sport enpresak behin betiko ibilbidea iragarriko du.

2020ko Italiako Giroa ETB1en eta eitb.eus-en jarraitu ahal izango da.

The Giro d'Italia “re-starts” from Sicily: for the ninth time the Grande Partenza of the Giro will be in Sicily. Four stages will be held in the Region from 3 to 6 October, starting with an individual time trial from Monreale to Palermo. >>> https://t.co/a78p81VxEu pic.twitter.com/RYhvscBF6L

— Giro d'Italia (@giroditalia) July 24, 2020