Primoz Roglic, ikusgarri erlojuaren kontra

Primoz Roglic (Jumbo-Visma) esloveniarrak erlojupeko bikaina egin du Italiako Giroko 1. etapan eta garaipena lortu du. Faborito guztiei denbora atera die eta sailkapen nagusiko lehen postuan jarri da oso indartsua dagoela erakutsiz.

Vincenzo Nibalik (Bahrain-Merida) ere oso hasiera ona izan du erlojuaren kontrako proban eta hirugarren dago sailkapen nagusian; aurretik Simon Yates (Mitchelton-Scott) dago bigarren tokian.

Euskaldunei dagokionez, Pello Bilbaok (Astana Pro Team) eta Victor De La Partek (CCC Team) erlojupeko oso ona egin dute, hamaikagarren eta hamabigarren postuak lortuz, hurrenez hurren. Mikel Landak (Movistar) eta Ion Izagirrek (Astana Pro Team), ordea, ez dute hasiera ona izan Giroan denbora asko galdu dute.

SAILKAPENAK