Contadorrek kolpea eman dio sailkapenari; etapa, Kiryienkarentzat

Alberto Contadorrek Italiako Giroko jertse arrosa berreskuratu du, Vasil Kiryienka bielorrusiarrak 59,4 kilometroko erojupekoa irabazi ostean. 14. Etapak  Treviso eta Valdobbiadene lotu ditu.

Kiryienkak ordubete 17 minutu eta 52 segundo behar izan ditu ibilbidea betetzeko. Bigarren Luis Leon Sanchez (Astana) izan da, 12 segundora, eta Alberto Contadorrek (Tinkoff Saxo) hirugarren denborarik onena egin du, irabazleak baino 14 segundo gehiago erabilita.

Sailkapen nagusian madrildarra da berriro lehen postuan, bigarren Fabio Aru dago 2 minutu eta 28 segundora, eta hirugarren Andrey Amador, hiru minutu eta 36 segundora. Mikel Landa zazpigarren da orain, 4 minutu eta 55 segundora.

Igandean 15. etapa lehiatuko dute, mendiko lehena, Marostican hasi eta Madonna di Campiglio izeneko mendatean bukatuta. 165 kilometro egingo dituzte guztira.