Roglicek irabazi du Itzulia, eta Enric Masek azken etapa

Enric Mas Quick-Step Floors taldeko txirrindulariak irabazi du 2018ko Itzuliko seigarren eta azken etapa, 122,2 kilometrokoa, Eibar eta Arrate artean. Sailkapen nagusian, berriz, Primoz Roglic (LottoNL-Jumbo) esloveniarra gailendu da.

Euria izan da eguneko protagonistetako bat, ibilbideko zortzi mendateekin batera. Hasierako kilometroetan erorikoa izan da eta, besteak beste, Roglic liderra harrapatu du. Liderrari kosta egin zaio tropel nagusiarekin berriro bat egitea, baina azkenean faborito guztiekin batera joan da.

Horrez gain, ihesaldi garrantzitsua ere izan da. Hor izan dira Thomas de Gendt (Lotto-Soudal), Enric Mas etapako irabazlea (Quick Step) eta Jasper Hansen (Astana) beste batzuren artean.

Sailkapeneko liderrak, erorikori aurre egiteaz gain, Mikel Landaren erasoei erantzun behar izan die. Arabarra etapa irabaztear izan da, baina esloveniarrak ondo eutsi dio aldeari eta azken garaipena berak eraman du.