Zoe Hernandez, Lointek Gernikako jokalari berria

Zoe Hernandezek Lointek Gernika Bizkaian jokatuko du 2023/2024 denboraldia amaitu arte. Gabby Nikitinaite eskoltaren irteera betetzera dator. Nikitinaitek eta klubak, elkarren arteko adostasunez, alde biak batzen zituen kontratua desegitea erabaki dute. Hernandez Gernikan dago eta lehen harremana izan du bere taldekide berriekin.

Zaragozako jokalaria Cadi La Seutik dator, aurten 11 partida jokatu ditu, bataz beste 7 minutu jokatu eta bataz beste 2,4 puntu sartu ditu Emakumezkoen Endesa Ligan. Hernandezek ondo ezagutzen du liga, Mann-Filter taldeko harrobitik atera zen hain zuzen, gero Casademont Zaragozan jarraitzeko. Iaz, Challenge ligan arreta deitu zuen Navarra Baloncesto Ardoi taldean bataz beste 9,4 puntu sartuz eta ostera ere lehen mailako ateak zabaldu zitzaizkion.

Lucas Fernandez entrenatzaileak Zoe Hernandezek liga ezagutzeari eman dio berebiziko garrantzia: "Gaztea den arren, esperientzia dauka txapelketa, ondo ezagutzen du, eta horrek bere egokitzapena hobea eta arinagoa izateko balioko du. Mentalitate oso oneko jokalaria da, gosearekin heldu da".