Belauneko ebakuntza egin diote Patricio Garinori

Kirolbet Baskoniako Patricio Garino jokalariari ebakuntza egin diote eskuin belaunean astelehen honetan. Izan ere, aurreko lotailu gurutzatua hautsi zitzaion Euroligako hamargarren jardunaldian, San Petersburgoko Zeniten aurka.

"Atseden eta errekuperazio ordu batzuen ostean, bizirik gaude eta sendatze-prozesuari ekiteko prest", adierazi du Argentinako hegalekoak Instagrameko bere kontu ofizialean. Gaineratu duenez, ebakuntza "arrakastatsua" izan da eta "guztia berria bezala" geratu da.

Garino azaroaren 22an lesionatu zen, Zeniten aurka Buesa Arenan jokatutako partidan, Colton Iverson aurkariarekin tupust eginda

Ebakuntza egin ostean, Baskoniako jokalariak sei hilabete inguruko sendatze-prozesuari egin beharko dio aurre.

View this post on Instagram

Ya después de unas horas de descanso y recuperación estamos vivitos y coleando listos para arrancar con la recuperación. La operación fue un éxito y quedó todo como nuevo ¿¿

A post shared by Patricio Garino (@patogarino) on Dec 16, 2019 at 11:31am PST