Baskonia garaipenaren bidera itzuli da, CAI Zaragozari erraz irabazita

Laboral Kutxak Cai Zaragozari irabazi dio (100-71). Aurkariak bigarren laurdenera arte iraun du bizitik, eta Baskonia garaipenaren bidela itzuli da.

Irabazi beharrean zegoen Gasteizko taldea. Lehen laurdena berdinduta joan da oso (19-19), baina Laboral Kutxak 31-11ko aldeko partzialarekin, neurketa apurtu du bigarren laurdenean, eta Zaragozako taldea atzean gelditu da.

Gero, CAIk ez dio Baskoniari arazorik sortu, eta baskonistek Final Four dute orain buruan. Asteazkenean hasiko dute Panathinaikosen aurkako lehia.

Alberto Corbachok inoizko partidarik onena egin du Baskonairekin, 17 punturekin eta zortzi hirukotik bost sartuta, baina saskiratzailerik onena Adams izan da (24). Aragoiko tldean, Jelovac (17) eta Benzing (13) izan dira onenak.

FITXA TEKNIKOA

Laboral Kutxa: Adams (24), Hanga (7), Bertans (10), Tillie (4), Planinic (6)-cinco inicial-, James (9), Blazic (4), Corbacho (17), Bourousis (13), I. Diop (6), M. Diop. 71.

CAI Zaragoza: Bellas (7), Tomas (7), Banzing (13), Jelovac (18), Norel (9)-cinco inicial-, Kravtsov (4), Swing (7), Fotu (5), Henry, Sanz, Romera, Kohs.

Partzialak: 19-19, 30-11, 21-20 eta 30-21.