Garaipen landua lortu du Laboral Kutxak (89-73)

Laboral Kutxa Baskoniak bi porroteko bolada txarra eten du Baloncesto Sevillari 89-73 irabazita.

Velimir Perasovicen taldea aurretik joan da markagailuan ia denbora osoan, baina aurkaria oso gertu izan dute minutu askotan. Andaluziarrek, gainera, ez dute amore eman amaierara arte.

26. minutuan, 51nakoa zegoen markagailuan, eta hirugarren laurdenaren eta azkenaren artean arabarrek 26-9ko partziala egin dute, markagailuan 17 puntuko zuloa egiteko (77-60, 33. minutuan).

Horri esker, lasai aritu dira azken zazpi minutuetan, eta Ligako zortzigarren garaipena ziurtatu dute.

Fitxa teknikoa

89 - Laboral Kutxa (22+22+20+25): Adams (6), Causeur (2), Hanga (13), Shengelia (5), Planinic (6) -hasierako boskotea-, James (10), Blazic (16), Corbacho (5), Tillie (2), Bourousis (18), Diop (6).

73 - Sevilla (21+20+12+20): Anderson (2), Sánchez (13), Henton (13), Nachbar (13), Balvin (8) -hasierako boskotea-, Oriola (6), Rodríguez (3), Miljenovic (4), Slokar (4), Cate (5), Rigo (2), Cizmic.