Baskoniak garaipen erosoa lortu du UCAM Murtziaren aurka

Laboral Kutxa Baskoniak 90-67 irabazi dio UCAM Murtziari Buesa Arenan eta bere bosgarren garaipena lortu du Endesa Ligan. Orain arte, sei jardunaldi jokatu dira, eta Arabako taldeak porrot bakarra jaso du.

Lehen laurdenean jaun eta jabe izan da etxeko taldea. UCAM Murtziak ezin izan du Baskoniaren erasoko jokoa geratu eta asko kosta zaio arabarren defentsa gainditzea. Ondorioz, 14 puntuko aldea lortu du Perasovicek zuzentzen duen taldeak lehen hamar mintuen amaieran (27-13). Bigarren laurdenean, UCAMen jokoak pixka bat hobera egin du, baina Baskoniak nagusi izaten jarritu du. Norgehiagoka Gasteizko taldearen aldeko 48-36ko emaitzarekin iritsi da atsedenaldira.

Hirugarren laurdenean garaipena guztiz bideratuta utzi du Laboral Kutxak. Etxeko taldeak 26 puntuko abantaila lortu du (74-48). Azken laurdenean, Baskoniak ez du arazorik izan eta garaipen erosoa lortu du (90-67).

Fitxa teknikoa:

90 - Laboral Kutxa (27+21+26+16): Adams (19), Causeur (17), Hanga (11), Tillie (8), Planinic (6)-hasierako bostekoa-, James (5), Blazic (5), Corbacho (5), Bourousis (12), I. Diop (2), M. Diop.

67 - UCAM Murtzia (13+23+12+19): Campazzo (8), Antelo (7), Benite (3), Rojas (2), Lischuk (9)-hasierako bostekoa-, Lima (15), Wood, Kelati (8), Cabezas (3), Radovic (12).

Epaileak: Jimenez, Oyon, Caballero.