Arabarrak nagusi Sevillan (83-91)

Laboral Kutxak Baloncesto Sevilla gainditu du (83-91), hasieratik nagusituta. Hirugarren laurdenean okerrera egin du arabarren jokoak, eta etxekoak markagailuari buelta ematen saiatu dira.

Erasoan bikan aritu da Baskonia lehen laurdenean, eta zortzitik sei hiruko sartu ditu. Bigarren laurdenean, errenta handitu dute Navarrorenek (33-54), hein handi batean Fabien Causeurren lanari esker.

Hirugarren laurdenean, ordea, 24-9ko partziala lortu dute andaluziarrek, eta markagailuan hurbildu dira (63-65). Partidako jokaldi erabakigarria Mike Jamesena izan da amaierarako hiru minuturen faltan. Luis Casimiroren taldearen susperraldia bertan behera geratu da, eta puntuak Laboral Kutxak eskuratu ditu.

Fitxa teknikoa:

83 - Baloncesto Sevilla (21+18+24+20): Radicevic (7), Urtasun (-), Penney (20), Byars (10), Porzingis (10) -hasierako boskotea-, Woodside (7), Oriola (11), Berni Rodríguez (8), Balvin (-) eta Hernangómez (10).

91 - Laboral Kutxa (35+21+9+26): Adams (12), Mike James (14), Causeur (25), Shengelia (11), Iverson (7) -hasierako boskotea-, Tillie (2), Begic (3), San Emeterio (15) eta Hansbrough (2).