Baskonia
Crespi bota dute
Azken bi urteetan izandako bosgarren entrenatzailea da Ibon Navarro
Erredakzioa
Marco Crespi kargutik kenduta, Navarrok izango du Laboral Kutxa Baskonia zuzentzeko ardura. Gasteiztarra Crespiren bigarrena izan da orain arte.
-
Ibon Navarro, Baskoniako entrenatzaile berria. EiTB.
Ibon Navarro Laboral Kutxa Baskoniak azken bi urteetan izandako bosgarren entrenatzailea da. Navarrok Marco Crespiren kargugabetzearen ondorioz hartuko du taldearen ardura, Euroligan Izar Gorriaren aurka jipoia jaso eta itxura oso kaskarra eman ostean.
Azken bi urteetako entrenatzaileen joan-etorria 2012ko azaroaren 18an hasi zen, Dusko Ivanovic bota zuten egunean. Montenegrokoak bederatzi denboraldi eta erdi eman zituen Baskonia zuzentzen.
Ivanovicen ondoren, Zan Tabak, Sergio Scariolo eta Marco Crespi izan dira arabarren entrenatzaileak. Eta orain, Ibon Navarro. Gasteiztarra izango da Baskoniako entrenatzailea Gipuzkoa Basketen aurka larunbatean jokatuko duten derbian.
Orain ikusteke dago Navarro behin-behineko konponbidea izango den, eta Laboral Kutxak entrenatzaile berri baten alde egiten duen edo ez.
Hurrengo zuzenekoak
- Gaur
- LR.
- IG.
- AL.
- AS.
- AZ.
- OG.
| 15 | 21:00 - 23:30 | ERREMONTEA | Binakako txapelketa: Ansa II-Juanenea vs Urriza-Larrañaga |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
