Gipuzkoa Basketek garaipen ikusgarria lortu du Zaragozan

Gipuzkoa Basketek jipoia eman dio CAI Zaragozari, etxetik kanpora, eta Sito Alonsoren gizonek sendo jarraitzen dute playoff postuetan. Donostiako taldeak hirugarren garaipena jarraian lortu du, Endesa Ligan.

Lehenenego zatian partida oso orekatuta egon da, eta hirugarren laurdenean Donostiako taldeak neurketa erabat hautsi du, Michael Roll jokalari estatubatuarrari epaileek teknika adierazi ondoren.

Hirugarren laurdenean GBCk erakustaldia eman du erasoan, eta Sito Alonsoren gizonek 12-27 partziala lortu dute, markagailuan 50-66koa jartzeko. Azkenengo laurdenean Gipuzkoako taldea jaun eta jabe izan da kantxan.

Charles Ramsdellek eta Jason Robinsonek puntu erabakigarriak lortu dituzte, eta Gipuzkoa Basket nagusi izan da erasoko errebotean.

Fitxa teknikoa:

67 - CAI Zaragoza (19+19+12+17): Llompart (10), Roll (8), Pere Tomas (2), Sanikidze (3), Shermadini (12) -hasierako bostekoa- Jones (21), Rudez (2), Alex Urtasun (-), Tabu (9) eta Fontet (-).

92 - Gipuzkoa Basket (18+21+27+26): Neto (12), Winchester (10), Robinson (21), Ramsdell (24), Doblas (6) -hasierako bostekoa- Motos (-), Hanley (2), Huskic (3), Salgado (10), Olaizola (-) eta Kortaberria (4).