Bilbao Basket, putzutik ezin atera

Endesa Ligako hamaikagarren jardunaldiko partida jokatu zuten Miribillan Bilbao Basketek eta UCAM Murtziak. Bilbotarrek berriro galdu zuten, oraingoan hamar puntugatik, 63-73, nahiz eta neurketa bikain hasi lehen laurdenean (17-9).

Baina partidako izarra UCAMeko Frankamp izan zen, lehen hamar minutuetan desagertuta egon eta gero 23 puntu erdietsi zituen ondoren eta bere taldeko erritmoa eta jokoa beregain hartu zuen garaipena Murtzia aldera eramateko.

Porrot honekin Alex Mumbruren taldeak putzuan jarraitzen du Gipuzkoa Basketekin batera; garaipen bakarra bederatzi partida jokatuta eta horri Txapeldunen Ligan jokatutako bi partidetan galdu egin dutela gehitu behar zaio.

Fitxa teknikoa

63 - Bilbao Basket (17+15+12+19): Rousselle (11), Serron (4), Zyskowski (13), Kulboka (8) eta Balvin (8) -hasierako taldea-; Hakanson (3), Jaylon Brown (5), Alex Reyes, Moses (3) eta Huskic (8). Entrenatzailea: Alex Mumbru.

73 - UCAM Murtzia (9+21+19+24): Frankamp (23), Jordan Davis (10), Sadiel Rojas (7), DiLeo (6) eta Lima (6) -hasierako taldea-; Bellas (2), Townes (6), Jok, Cate (12) eta Radovic (1). Entrenatzailea: Sito Alonso.

Partzialak: 17-9, 32-30 (descanso); 44-49 eta 63-73.

Epaileak: Joaquin Garcia Gonzalez, Raul Zamorano eta Oscar Perea.