Veljko Mrsicek Carles Duran ordezkatuko du Bilbao Basketen

RETAbet Bilbao Basket taldeak astelehen honetan jakinarazi du Carles Duran entrenatzaile katalanak ez duela aulkian jarraituko eta Veljko Mrsic kroaziarra izango dela taldeko entrenatzaile berria denboraldia bukatu arte. Mrsic asteartean hasiko da RETAbet Bilbao Basket entrenatzen.

Talde bilbotarrak bere webgunean argitaraturiko oharrean adierazi duenez, Mrsic duela 46 urte jaio zen, Spliten (Kroazia), eta jokalari bezala ACB ezaguna du, Unicajan eta Girona jokatu baitzuen. Malagako taldearekin Korac Kopa irabazi zuen 2001ean. Jokalari izateari utzi eta entrenatzaile ibilbidea 2006an hasi zuen, Spliten.

Ondoren, Varese eta Cedevita junior taldeetatik igaro zen, eta 2015ean Zagrebeko taldeko lehen entrenatzaile izendatu zuten. Talde kroaziarra 2016ko Euroligarako sailkatu zuen, eta Kroaziako Liga eta Kopa irabazi zituen 2016an eta 2017an. Gainera, Cedevitarekin Liga Adriatikoaren finalaurrekoetara iritsi zen 2016an eta finalera 2017an, Izar Gorriaren aurka galduz.

Carles Duran no seguirá al frente del RETAbet Bilbao Basket. En la rueda de prensa de las 13 horas se darán a conocer más detalles.

Eskerrik asko Carles!

Noticia: https://t.co/4HRMpZpkZl pic.twitter.com/L2lEo8HRGR

— RETAbet Bilbao Basket (@CDBILBAOBASKET) 27 de noviembre de 2017

OFICIAL: Veljko Mrsic se convierte en el nuevo entrenador de los hombres de negro. Ongi etorri! https://t.co/hgiSafzITB pic.twitter.com/VENWd7gvqz

— RETAbet Bilbao Basket (@CDBILBAOBASKET) 27 de noviembre de 2017