Zor 'larriei' aurre egiteko konponbide bila dirau Bilbao Basketek

Astelehen honetan egindako akziodunen batzarrean 6,5 milioi inguruko aurrekontua onartu du Bilbao Basketek aurtengo denboraldirako. Eta, horrez gain, aurreko ekitaldiko 2,3 milioiko defizita mantentzen du oraindik. Beraz, finantza-arazo “larria” bizi du talde bizkaitarrak, eta horri aurre egiteko konponbide bila dirau.

Carlos del Campo diruzainak astelehen honetan aurkeztu die akziodunei “aurreikusitako garapen egitasmoa”. Kenketak adosteko hartzekodunekin akordioak bilatzean datza eta banketxeen bitartez zorra berriz finantzatzea -orotara, sei milioi ingurukoa-.

Del Campok iragarri duenez, babesle berri batekin harremanetan dabiltza. Egun, taldearen babesle nagusia den Wisekey enpresa informatikoak eskaintzen dion ekarpena bikoizteko prest omen baitago.

2014-2015eko denboraldiaren aurrekontuari dagokionez, izan duten 509.000 euroko balantze onuragarria, zorra ordaintze aldera baliatuko dutela azaldu du kontseilariak.