Euskal pilota | Azken albisteak eta emaitzak | EITB Pilota
Pilota
Zesta
EITB MEDIA
‘Goiko’ protagonista izango da bi albistegietako kiroletako tarteetan, ibilbidea profesional oparoari amaiera eman eta bi egunera. Zumaiako aurrelariak bere azken partida jokatu zuen igandean Eusko Label Winter Serieseko finalean.
Iñaki Osa Goikoetxea, 'Goiko', astearteko kirol albistegietako protagonista. Irudia: EITB Media.
Iñaki Osa Goikoetxea 'Goiko' elkarrizketatuko dute astearteko Gaur Egun eta Teleberri saioetako gaueko edizioetako kirol tarteetan.
Zumaiako jokalari handiak amaiera eman berri dio bere ibilbide profesionalari 27 urteren ostean. Askorentzat, historian izan den jokalaririk handiena da Goiko, horrela izendatu zuten, ofizialki eta aho batez, bi hamarkadatan. Inork nekez berdinduko duten palmaresa du gipuzkoarrak.
16 urterekin hasi zen zesta-puntan eta Milan aldera jo zuen, handik AEBetara salto egiteko. 13 urte egin zituen Miamin, guztien eredu ete erreferente bihurtuta.
Buruz buruko 12 txapela irabazi ditu, final bakarra galduta, eta binakako zortzi. Horrez gain, udan jokatutako torneo guztiak irabazi ditu. 2023ko ekainean erretiroa hartzeko erabakia hartuta zuela iragarri zuen; Eusko Label Winter Series izan da bere azken txapelketa ofiziala, eta igandeko finala, bere azken partida. Erkiagak eta Lekerikak ez zioten eguna biribiltzen utzi, eurek irabazi baitzuten txapela.
Hurrengo zuzenekoak
13 | 22:15 - 23:15 | ''Harri Herri'' saioren denboraldi berria |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa