Juan Martinez de Irujok bihotzeko arazoak ditu

Juan Martinez de Irujok prentsaurrekoa eskaini du gaur, Tres Reyes hotelean (Iruñea), Fernando Vidarte (ASPEko administratzaile bakarra) eta Txema Urrutia (ASPEko sendagilea) ondoan zituela.

Ibero pilotariak bihotzeko arazoak dituela iragarri du, eta proba gehiagoren zain daudela. 'Gelditu behar dut, baina ez dut agur esan nahi', adierazi du Irujok.

Txema Urrutiaren esanetan, Irujok pilota utzi eta atseden hartu behar du oraingoz, baina ez du bestelako xehetasunik eman nahi izan.

Juan Martinez de Irujo: "bihotzeko arazo bat dut eta proba gehiagoren zain nago. Bitartean geldirik egon behar". #eutsiJuan #eitbkirolak

— Xabier Euzkitze (@XabierEuzkitze) 13 de julio de 2016

PALMARESA

· Buruz Buruko txapelduna (2004, 2006, 2009, 2010 eta 2014)

· Binakako txapelduna (2005, 2006, 2009, 2013 eta 2014)

· 4 t'erdiko txapelduna (2006, 2010 eta 2014)

· Nafarroako 4 t'erdiko txapelduna (2006, 2010 eta 2013)