Olaetxeak eta Ezkurdiak aurrera egin dute, euren partidak irabazita

Mikel Olaetxea eta Joseba Ezkurdia Lau t'erdiko Txapelketako final-zortzirenetan dira jada, Iker Irribarria eta Arretxe II.a kanporatu ostean.

Olaetxea eta Irribarriaren artekoa lehia oso orekatua izan da, azkarra, eta pilotakada gutxikoa. Hasiera, Lizartzakoa 8 eta 3 aurreratu da, baina Irribarriak 8na egitea lortu du. Olaetxea 16-12 eta 21-18 ere aurreratu da, baina horitan ere Irribarriak markagailua berdintzea lortu du. 21 eta 21ekoarekin sakea Irribarriak izan du, baina tantoa, eta hurrengo kanporaketarako txartela, Mikel Olatxeak lortu du: 22-21. Iñaki Artola izango du aurkari hurrengo fasean.

Ezkurdia, jaun eta jabe

Arretxe II.a eta Joseba Ezkurdiaren arteko norgehiagoka oso bestelakoa izan da. Arretxe 4-3 aurreratu da hasieran, baina hortik aurrera Arbizukoa jaun eta jabe izan da. 0 eta 12ko partziala eginda, partida guztiz hautsi du Ezkurdiak, eta Arretxe estita aritu da.

Xala izango da Joseba Ezkurdiaren aurkaria final-zortzirenetan.