Urrutikoetxeak ordezkatuko du Aranguren, berriro ere, ostiralean, Zornotzan

Mikel Urrutikoetxeak ordezkatuko du, berriro ere, Aitor Aranguren, ostiralean, Zornotzan, 2024ko Binakako Txapelketako hamabigarren jardunaldian, Baiko Pilotak asteartean iragarri duenez.

Testuinguru horretan, Baikok zehaztu du Arangurenek oraindik duela minduta eskuin eskua, eta Urrutikoetxeak ordezkatuko duela, larunbatean ere egin zuenez. Arangureni proba bat egin diote Tolosan, eta horretan pilotariak nabaritu du minduta duela, oraindik ere, eskuina; hortaz, datorren jardunaldian baja izaten jarraituko du.

Ostiralean, Zornotzan, Amorebieta IV pilotalekuan, Unai Laso-Urrutikoetxea eta Peio Etxeberria-Zabaleta bikoteak arituko dira nor baino nor gehiago. Laso-Aranguren bikotea ligaxkako sailkapeneko azken postuan dabil, hiru puntu dituela, larunbatean, Altuna eta Martija menderatuta; Peio Etxeberria eta Jose Javier Zabaleta bigarren postuan dabiltza, zazpi puntu lortuta.