Irujok eta Barriolak puntu garrantzitsua lortu dute (22-13)

Juan Martinez de Irujok eta Abel Barriolak 2014ko Binakako Txapelketako euren aurreneko puntua eskuratu dute Joseba Ezkurdiaren eta Jose Javier Zabaletaren kontra (22-13).

Martinez de Irujo eta Barriola nagusi izan dirta aurreneko tantoetan (4-1), baina urdinek markagailua irauli egin dute (4-5). Ezkurdiak eta Zabaletak ez dute ia akatsik egin, eta markagailuko aldea aise handitu dute (5-9).

Hala ere, beteranoek erasokor jokatu dute partidan bizirik jarraitzeko (8-9), eta Irujok eta Barriolak neurketa berdindu egin dute (10-10). Gorriak 12-10 markagailuan goitik jarri dira, eta jaun eta jabe izan dira Eibarko pilotalekuan (16-10).

Joseba Ezkurdiak eta Jose Jabier Zabaletak gehiago arriskatu dute erasoan, baina gorriek sendo jarraitu dute (18-11). Azkenean, Martinez de Irujok eta Barriolak puntu oso garrantzitsua eskuratu dute 22.13 irabazita.