Aske, baina karguekin utzi dituzte hamalau atxilotuetako sei

Madrileko Justizia Epaitegi Gorenak jakitera eman duenez, Madrileko Instrukzioko 24. zenbakiko Epaitegia Galgo Operazioan atxilotutako sei laguni galdeketa egin eta dopinarekin lotuta egon eta osasun publikoaren aurkako delitua leporatu diete.

Eufemiano Fuentes medikua, Alberto Leon txirrindularia, Cesar Perez (Marta Dominguezen entrenatzailea), Manuel Pascua Piqueras prestatzailea, Jose Alonso Valero atleta ohia eta Alberto Garcia atleta aske geratu dira, baina karguekin. Etxebizitzaz aldatzekotan berehala jakinarazi beharko dute.

Operazioan nahasita dauden gainontzekoek hurrengo egunetan deklaratuko dute. Epaileak sekretupeko sumarioa ezarri du.