Beste kirolak
Munduko Txapelketa
Nahia Zudairek bosgarren postua lortu du estilo libreko 100 metroko finalean, Munduko Txapelketan
EITB MEDIA
Igerilari usurbildarrak 1:09.05eko denbora egin du; Espainiako errekorra berak du, eta 1:08.26koa da. Cecilia Jeronimo de Araujo brasildarrak irabazi du urrezko domina.
-
Nahia Zudaire, artxiboko irudian. Argazkia: EITB Media.
Nahia Zudairek bosgarren postua lortu du estilo libreko 100 metroko finalean, ostegun arratsaldean, Manchesterren (Erresuma Batua) jokatzen ari diren Igeriketa Egokituko Munduko Txapelketan.
Basque Teameko igerilari usurbildarrak 1:09.05eko denbora egin du; Espainiako errekorra berak du, eta 1:08.26koa da.
Cecilia Jeronimo de Araujo brasildarrak irabazi du urrezko domina, 1:05.69ko denbora eginda. Xenia Francesca Palazzo italiarra izan da bigarrena, 1:06.19 eginda, eta Alice Tai britainiarrak erdietsi du brontzezko domina, 1:06.68ko denbora egin duela.
Zudairek bi domina daramatza Munduko Txapelketan; izan ere, zilarrezkoa eskuratu zuen estilo libreko 400 metroetan, eta brontzezkoa bular estiloko 100 metroko proban.
Hurrengo zuzenekoak
- Gaur
- AZ.
- OG.
- OR.
- LR.
- IG.
- AL.
|
Ez dago zuzenekorik |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
