Djokovicek Roland Garrosen parte hartu ahalko du

Novak Djokovicek 2022ko Roland Garrosen parte hartu ahalko du. Serbiarrak iaz lortu zuen titulua berresteko aukera izango du, martxoaren 14tik aurrera ez baita beharrezkoa izango covid ziurtagiria Frantzian sartzeko.

Djokovicek ezin izan zuen Australiako Irekian parte hartu, ez zegoelako txertatuta covid-19aren aurka. Hala ere, orain, Montecarlo, Belgrad, Madril eta Erromako txapelketetan egon ahalko da, Roland Garrosen parte hartu aurretik. Frantziako Grand Slama maiatzaren 22an hasi eta ekainaren 5ean bukatuko da.

Gaur egun indarrean dauden osasun-protokoloekin, tenislari serbiarrak ez luke arazorik izango Wimbledonen titulua defendatzeko. Momentuz, ezin izango luke US Open Grand Slama jokatu, Estatu Batuetara sartzeko beharrezkoa baita covid ziurtagiria.