Virginia Diaz finalera sailkatu da

Virginia Diaz Basque Teameko arraunlaria lemazainik gabeko biko finala (W2-) jokatzeko sailkatu da Tokioko Olinpiar Jokoetan. Aina Cid kataluniarrarekin batera arituz. Horrela, Getxon bizi eta bertako Raspas del Embarcadero klubeko kide den kirolari kantabriarra podiumera igotzeko lehian arituko da ostegun honetan (02: 30).

Kantabriarra eta kataluniarra, azken hiru Europako Txapelketetan hiru domina lortu dituztenak, hirugarren izan dira bere euren finalerdian, 6: 50.63ko denborarekin, Zeelanda Berriaren (6: 47.41) eta Errusiako Batzorde Olinpikoaren (6: 50.24) atzetik. Ez diote ondoegi ekin euren jardunari, baina buelta emateko gai izan dira.

Diazek eta Cidek sei finalisten arteko denborarik txarrena dute, baina Australia eta AEBko taldea kanporatu ostean, euren aukerak areagotzen direla ikusten dute. Gainera, bermatuta dute diploma olinpikoa izatea finalean izateagatik.

PROBAKO SAILKAPENA:

1- Zeelanda Berria: 6:47.41

2- Errusiako Batzorde Olinpikoa: 6:50.24 (+2.83)

3- Espainia: 6:50.63 (+3.22)

4- Errumania (+11.14)

5- Ameriketako Estatu Batuak (+15.11)

6- Italia (+17.11)